يالى غرقان فى بحور الإرهاب
القس بشر مش ابن كلاب
رسالة بسيطة منى ليك
أنت ملعون فى كل كتاب
متفكرش ان الكره و العما
ليهم اى مكان فى السما
يا قاتل النار مستنياك
بين أحضان جهنم اترما
أنت يالى قتلت روح القس
عدد المسيحيين مش هيخس
كفاية بقى كراهية و ظلم
يا سارق الروح يا لص
قولى انت ملتك ايه
ليه قتلت القس ليه
دم القمص سمعان
بكرة هتتحاسب عليه
أنت فى الأول و الآخر إنسان
لا أنت رب ولا حتى ديان
يا ويلك يا ويلك و الف ويل
يالى قتلت القمص سمعان
القس دم و روح و بشر
يالى انت قلبك حجر
شيطان الفتنة خدعك
سكن جواك و انتشر
مين اللى قالك دمه حلال
صدقنى الدم يهز جبال
الأرض حزنت و الحجر
اتكلم من دم القس اللى سال
يالى قتلت القسيس
الدم غالى مش رخيص
يا قاتل يا مجرم يا ارهابى
يا أقل من أقل خسيس
بقولهالك بقوة بعلو الصوت
القس مش فى حكم الموت
متفكرش القس مات
روحه عايشة فى الملكوت
