قالولي تعال نجرب نبدل الأماكن
وتخيل اتشقلب حالك مكان حالي
فكرت وقولت …….
مش معقول ؟!
دا حالي معمول علي مقاسي
لو غيرت الطريق وأخترت غيره
هقول كان فين عقلى وكان فين رأسى؟!
ضاع وراح وأنا مش داري ولا حتي راسي ؟!
وقعت في بحر ملهوش قرار
تايه وعن نفسي كده حيران
شكلي شكل الكلب الجربان
مش عارف انا مين أو فين او اسوا حتي كام؟ ؟ ؟
يا خسارة…..
غيرت طريقي اللي ليا مرسوم
وجريت وراء كثير من الهموم
وانا مفكر أني دا الحل المضمون
غيرت عنواني
وشكلي ومكاني
واصبحت أنسان تاني
يا حرام ما عرفتش أيه ممكن يجرالي ؟!
أنا مين؟ ؟
أنا فين؟ ؟
توهت عن نفسي سنين…….
توهت عن أهلي وناسي
حزنت و يأست ومن كثر الحزن أنا دوخت…..
مش عارف أرجع من توهاني
وألبس ثوبي من تاني
اتاري لو بدلت مكاني
هتوه عن عنواني
ومش هأعرف أرجع يا زماني
كان لازم أرضى بالمقسوم
اللي ليا انا مرسوم
بالطول والعرض
بالكلمة وكمان بالحرف
توبه يا زماني
مش ممكن أبداااا
حد يغريني تاني
ولا في يوم أغير عنواني
هرضى باللي ليا مكتوب
وهعيشه وانا كده مبسوط
أصله علي مقاسي
متفصل تفصيل
بالكلمة وكمان بالحرف
مش ممكن أغير الجلد
ولا اهرب ابداا من الأرض
