يا نسمه الربيع هليتى
و على النفوس طليتى
ياريت طول السنه ما تغيبى
الشتا جه وراح و طلع أنينى
كان وجع ووألم و ما وقفت دموعى
يا نسمه الربيع عودى
يمكن تشفى غليلى
هفهفى بنسمتك على خدودي
و فحتى الزهور أسعدى عيوني
طال غيابك و أنا من الشوق فضلت أناديكى
املى الروح بهجه
و خلينى مع العصافير أغنى مواليلى
و بالحب أملى القلوب
و بالامل أملى العقول
و بالخير عمرى النفوس
يارب انت خلقت الكون
سحر و جمال و حب
يا عصفور غرد و أشجى الأحبا
و ما يهمك صوت البوم
يا ورد فتح و اسعد العيون
و ما يهمك شوك القبور
يا ولاد لونوا البيض
و مايهمكم عابسى الوجوة
يا ربيع هلت فى الذاكرة لياليك
و افتكرنا فريد و حليم
و ضحكه ابويا و أمى
و كل أهلى و أحبابى
و الفرحه اللى من القلوب
و الله لايامك هتعود
مهما صرخوا
و هو فيه عاقل يقول ان الفرحه حرام
هليت يا ربيع
ما أحلى أيامك و لياليك أرجع تانى
و ما يهمك صوت الكلاب
دى الفرحه بقيت قليله
ومن السنه للسنه منتظريك
أوعى تطول غيبتك
دة الورد من غيرك مجرد عود
