امل فرج تكتب دكتور .. أحلامي بتوجعني

كنت بقول لو ممكن يعني ..
بس دقيقة تسمح تسمعني ؟
تسمع فيها اللي بيوجعني ..
كان نفسي أبقى حاجة كبيرة ..
وزيرة يعني ولا مديرة ..
بس ما بقتش ، ومالو إيه يعني؟
قلت أحلم حلم تاني ..
ألاقي فيه كل الأماني ..
لقيت الوجع بيتكرر تاني ..
وفضل عايش الحلم يوجعني ..
صرخ الحلم ، وقالوا ضيعني ..
قلة حيلتي ، وميلة بختي ..
مش لاقية حاجة في يوم تشفعلي ..
بس لو اعرف إيه أنا ذنبي ؟!
تعبت كتير في حياتي يا ربي ..
ولسه الناس بتعاتب فيَّا..
وأنا ولا عارف إيه بإيديا ..
عايش زي الريشة في الدنيا ..
طاير فيها ، وحالفة عليَّا.
تجيبني الأرض ، وتضرب فيَّا ..
آه لو أعرف ذنبي ياربي ..
ده انا طيب جدا وعاقل قلبي ..
بس نصيبه يفضل يوجعني ..
ووجع القلب في قلبي مسمعني ..
ومشبعني ومشربني ..
مر الحال اللي معذبني ..
إني لوحدي حاسس بيَّا..
ولا إيد واحد في اللي حواليا..
يوم تتمد وتفرحني ..
ألاقي دوا يا دكتور ؟
وما تقوليش استنى الدور ..
جرحي شديد ومحفور ..
أتاري الدكتور في الآخر تور ..
وما لقاش دوا للي بيوجعني ..
وفضل الحلم عايش يوجعني ..
بس عادي ، ومالو إيه يعني ؟