كفاية

بقلم د. وائل فؤاد نجيب
يظل تطوير وتحسين البشر مربوطا بارادتهم الشخصية هم واقتناعهم بالتطوير واهميته واثرهم في حياتهم
واللي بيشوفوا ايه فايدة التطوير للاماكن بدل ما البشر متطوروش يبقي بيربطوا مصير اللي بيطوروا وفي الغالب عددهم اقل من عدد المبسوطين بعدم تطورهم ويرتبط عدم التطور للاشخاص في حالات كتيرة بمن يجهلون القراءة والكتابة ومن يظلون يرددون افكار الامثال الشعبية علي انها حكم وعلي المنتظرين عودة فلان الفلاني الله يرحمه ( فلان الفلاني السياسي وفلان الفلاني المفكر وفلان الفلاني الداعية او نظام حكم معين
مينفعش بقي المتعلمين والمثقفين واللي يدوب بداوا يفكوا الخط يفضلوا متعطله حياتهم بسبب شخص جاهل او شخص مقتنع بافكاره القديمة او شخص رافض التغيير ومتحسر علي نظام كان اللي فيه بيفتخروا بعدم مواجهة المشاكل وكانت الناس بتحلف بحياتهم وهم عايشين وبتشتم في الموجودين بسببهم ونفس الناس الجهلة دول بيدفعونا كلنا من حياتنا
وبيعطلوا اي تطوير لنفسهم واللي حواليهم
كفاية تشجيع لكل شخص رافض محو اميته انه يفضل كده
كفاية تشجيع لكل متواكل وفاهم ان ده محبة لله مع ان ربنا بيشجع علي الاجتهاد والسعي وزرع نبته حتي لو دي اخر لحظة في الحياة
كفاية كراتين لناس فاهمه ان دورها هو تعيش فقيرة منتظرة المعونة اللي بيوزعها الغني علشان يتحسب له ثواب وهو في قرارة نفسه مش عاوزهم يعتمدوا علي نفسهم علشان هو يعتمد عليهم في كسب الثواب وراحة الضمير
كفاية تشجيع تسديد ديون الغارمات علشان مينفعش بنت تروح تتجوز ولا عريس داخل علي عليه وهو فاهم ان الام اللي هي ام مراته وحماته وجدة عياله السته اللي هيجبهم تكون سوابق ومسجونه في قضية شيكات ازاي العريس ولا للعروسة يفرحوا وهم كانوا سبب سجن اهاليهم
كفاية تشجيع انماط علط في التفكير
كفاية تشجيع علي عدم تعديل السلوك لحد مش لاقي ياكل ويروح يخلف سته ولا خمسه اصل جايين برزقهم
كفاية تشجيع علي تصرفات مريضة وغير كده اصل انت لاقي اكل وشرب ومرتاح
كفاية ناس معطلة اللي حواليها ومعاها موبيل وشغالة في الاقتصاد اللي تحت السلم ورافضة تدفع ضرايب وناهبة مجهود اللي بيشتغلوا وبيدفعوا ضرايب

التعليقات

أخبار ذات صلة

صفحتنا على فيسبوك

آخر التغريدات