علق المحامى الإسكندرانى أحمد نصار المرشح البرلمانى السابق على ما تم الترويج له بأن الإسكندرانية قاموا برفض حفل الفنان محمد رمضان قائلا
كثيرون يقولون بأن هناك حملة منظمة وأن هذا نوع من البلطجة هذه لا حملة منظمة ولا حاجة ، ده مجرد بوست واحد أعرفه كتبه على الفيس لما شاف إعلان عن الحفلة كتب الإسكندرية لا ترحب بمحمد رمضان بس كده علشان أغلبية الناس بتكره محمد رمضان ، وبالذات على السوشيال ميديا ، البوست انتشر بسرعة ، وصفحات وجروبات داخل محافظة الإسكندرية قامت بنشره بدون اي اتفاق مسبق
أما الكلام أن الإسكندرية لا ترحب بمحمد رمضان لا فيه منع محمد رمضان ولا حتى طلب إلغاء حفلته ،كل الموضوع الناس بتقول رأيها مش بنرحب بيك والناس حره أنها مش بتحبه ومش مرحبين به بالذات لكن لا قالوا نمنعه ولا الغوا حفلته
ثالثا اللى عمله محمد رمضان أنه ييجي إسكندرية ويلف على الكورنيش ومعه زفة موتسيكلات فإسكندريه كلها عارفه موضوع زفة الموتوسيكلات اللي في الأفراح دي وأن الموتوسيكلات دي بتتأجر وتطلع زفة وبتبقي بالمئات كل واحد على اد المبلغ اللي دفعه بيطلع قصاده عدد موتوسيكلات فيما يبدو محمد رمضان رغم الملايين التى يمتلكها مدفعش كتير فطلعت زفة من ٣٠ موتوسيكل بس كانوا بيلفوا معاه
وطبعا كلنا بنرفض الاعتداء عليه اللي تم على قهوة الريحاني وطرده من القهوو وأن الناس تقوم بإهانته ويخرجه خارج القهوة يركب عربيته ويسافر على القاهرة على طول من غير ما يشرب الشاى بتاعه
نقلا عن الأهرام الكندية
