انا
انا
انا المصرى
اللي شرب من النيل
بحب القرأن و الأنجيل
عندي محمد أخوه صموئيل
بكتب لبلدي أجمل مواويل
عن شمس نهارها و قمر الليل
انا
انا
انا المصرى
وقت الحرب معرفش الرحيل
حتى لو كان دمى هيسيل
مقدرش أنكر ليها جميل
لو الحمل عليها تقيل
أخفف عنها و أشيل
انا
انا
انا المصرى
أسد واقف مش بيميل
راجل أيوة و شادد الحيل
أنا خيال ب 1000 خيل
في التضحية عمري ما كنت بخيل
بلدي ملهاش عندي أي بديل
انا
انا
انا المصرى
معرفش أكون ابدا عميل
هزرع حبها في 1000 جيل
أنا قادر مش عليل
عمري ما كنت ذليل
أنا المصري معرفش المستحيل
