أعيش الحياة بوش ، ولا أجرب ألف وش ..

قولولي ياللي عشتوا الحياة ..
وعرفتوا قبلي دليل النجاة ..

أعيش الحياة بوش ، ولا أجرب ألف وش ؟! 
———————————————————-

بقلم / أمل فرج

عيش الحياة أو ما تعش ..
كده كده الحياة غش ..
النهاردة وش وبكرة وش ..
وانت يا أبو واحد وش ..
قاعد لا بتهش ولا بتنش ..
أكيد بتاكل الدود في المش ..
ومدياك الدنيا كل يوم دش ..
عشان مالكش غير واحد وش ..
أكيد كلامي صح وش ..
يا ترى هتتغير وتلبس أكتر من وش ..
ولما آجي واسألك : راح فين الوش ؟ ! 
هتقولي أصل الدنيا لقيتها ما تتعش ..
لما لبستلها بس واحد وش ..
لكن دلوقتي .. 
باخد دوري في الأول ..
بعد ما كنت في الآخر بخش ..
مش كده صح ، مش كده برافو ؟ 
هتقولي مش ، ومش ، وألف مش ..
عشان تبرر ليه بقيت بألف وش ..
جوايا غل ونفسي أفش ..
في دماغي هيصة ودوشة ووَش ..
من الناس اللي بألف وش ..
مش أنا صح ؟ 
ولا عايشة من غير وش ؟ !

التعليقات

أخبار ذات صلة

صفحتنا على فيسبوك

آخر التغريدات