الله اكبر يا شيخ سالم ..
خرجت فتواك فعادت بغنائم
يابلد التاريخ .. التاريخ نائم
دم و تلطيخ مايفطر الصائم
ندد و قول اعتداء غاشم
العالم كله حداد .. إلا أم الدنيا علي ولادها بتتلاءم ..
يا قمر الدين … المزيد قادم …
ياميش و مناقيش .. و بلح في اللبن عايم ..
مصر بتتقسم ….. اصحي يا نايم
الرؤيا بتعتم ….. وحد الدايم
ياليهود نوروا علم مصر … و انت ظافر و رافع علم النصر
الله و اكبر يا شيخ سالم …. مصر بتتدمر و لقبك جليل و عالم
فرحتوا بالجنازات … و دموع الأمهات ..
و رفعتوا الصفحات و الهشتاجات ..
و الغل في الضماير …
طب و المصحف ما انا غاير .. و بطل تقوللي مش عاجبك غور شوفلك هجرة
يعني اللي بيصلي احفظ بلادنا يارب يغور … ؟
و نسيبها للفاجر … ؟
ده بعدك و بعدهم ..
الكنيسه ياما قدمت شهدا و الأرض شاربه دمهم .. و بتطرح عزيمه و قوة …
من غير ما اخلف 16 عيل و لا اعمل عزوة
الواحد يا شيخ بألف و الاتنين بربوة
شوفته و هو بيموت علي دينه … ؟
شوفت الخسيس اللي قتله ؟ جاب العار لدينه …!
احنا مؤمنين بالله و اليوم الأخر ..
. عمري ما احوش ولدي عن اللي خلقه ..
ايماني انه مش ملكي .. ده ملكه .. وديعته و بترجعله
و انت رايك ايه … اللي بيقتل النفس فاكرها ملكه ؟
اعوذ بالله … ده شرك بالله ..
. لعلك بديل الله هو الله في نظرك غايب و لا انت غيبته ؟
فخورة بولدي اللي مات علي عقيدته ..
بطل … طالع لجده .
